Taya kecap nu pantes
pikeun ngagambarkeun salira. Nu pasti sacara basajan salira lir manusa nu
miboga haté malaikat. Naha enya?
Enya. Sabab éta nu karasa.
Kungsi sababaraha kali
ragu ka salira. Tapi beuki lila néangan sabab rasa ragu, nu
atra téh bet kayakinan. Yakin ka salira.
Hiji anu jadi kereueus
keur salira, kasabaran dina hirup nu memang sakapeung teu matak kaharti. Tapi
tina hirup éta salira beuki kuat.
Beuki dewasa, beuki kasep raga, haté jeung pamikiranna.
Iraha urang munggaran
tepang panutan? Nya harita nalika urang papada nyuprih élmu nalika SMA. Mangsa-mangsa nu ayeuna mah ngan ukur bisa
dipikatineung. Panineungan-panineungan nu sakapeung matak pikaseurieun.
Emut kénéh salira ka “Glenn jeung
Chelsea” ^_^ . Apan ti harita urang pada-pada mikawanoh.
Atawa sok kagagas ka
mangsa lawas nalika aya “Sammy” nyanyi.. (hehe). Kapan munggaran ngadangu
salira ngahaleuang téh nya lagu “Sammy” téa.
Sok ngadadak imut lamun
salira geus wakca hayang jadi artis. Tapi da memang manusa mah teu leupas tina cita-cita.
Nya cita-cita téa nu jadi tandaning hirup. Nu penting salira serius ti ayeuna.
Salawasna bakal ngarojong. Mugia hiji mangsa bisa tinekanan. Aminn..
Dina mangsa patepung,
urang teu weléh nuliskeun harepan-harepan dina tiap lambaran langit. Harepan
dina mangsa nu rék disorang. Harepan-harepan nu jadi sumanget dina tiap léngkah. Jeung salira bet
ngadadak teuneung jeung ludeung dina léngkah. Hiji kayakinan urang duaan, hiji mangsa bakal tinemu
bagja, Insya Alloh..
Saumur hirup tacan kungsi
aya nu micinta jiga salira. Sakapeung sok ngadadak jadi ogo da sagala kahayang
salawasna dicumponan ku salira. Hatur nuhun panutan.
Tapi rasa timburu ogé mindeng ngawarnaan
carita. Tapi mana kitu ogé pan éta jadi cirining katresna. Mugia urang bakal salawasna....
“Panutan,
taya kecap nu pantes pikeun
Ngungkarakeun atraning asih pikeun
salira..
Dina tiap kaliwung, salira teu weléh
suwung..
Salira nu maparin manglaksa katigin. Hatur
nuhunnn
Novia Endra Hermawan”
Tidak ada komentar:
Posting Komentar