Gusti
aya ku ngarasa leutik hate nalika kuring ras inget kana kanyataan. Lain
ngangluh Gusti, da mana kitu ogé
geus titis tulisna. Kuring apal Gusti maparin kieu ayana lantaran kuring
kuat,
kuring tigin. Tapi mun seug pareng bisa cumarita, ah kuring yakin Salira
mah
Maha Uninga. Teu kudu kedal, salira geus pasti surti.
Gusti,
sok ngadak jumarigjeug geuning napak di dunya téh.
Tapi, yakin kuring mah nu kieu téh lain kuring wungkul.
Sakapeung pohara kanyeunyeurian, nalika nu séjén bisa abring-abringan
sakulawarga. Suka bungah. Papada nalingakeun tur tamplok kanyaah.
Sok
kasawang dina implengan, kulawarga kuring ngahiji dina hiji imah nu
pinuh
katingtriman. Jigana memang pamohalan pikeun aya dina hirup kuring,
Gusti.
Pamohalan!
Kuring
nyaah ka mamah Gusti, najan sakapeung teu bisa ngalahun sakahayang. Teu
jiga
indung batur. Tapi nyaah tamplok saalam dunya. Paparin kabagjaan keur
anjeunna
Gusti, sabab kuring mah teu bisa maparin kabungah, boa ukur bisa
tambelar.
Bapa
jeung ema nu ti leuleutik ngarorok nepi ka kuring apal mana nu hadé jeung mana
nu goréng.
Nu teu kendat-kendat
maparin du’a. Nu satékah
polah nyumponan pangabutuh. Muga hiji mangsa pareng babakti.
Ngaguratkeun imut
tur rasa reueus. Gusti, pikanyaah aranjeunna saperti aranjeunna nun
haben mikanyaah
kuring.
Aa
jeun ipan nu salawasna jadi batur saati. Nu salawasna dipikanyaah, mugia
salawasna ogé
urang
bisa silih talingakeun nalika lampah ninggang salah. Mugia urang bisa
jadi
budak nu nyugemakeun pikeun mamah. Najan kumaha kaayan, ulah jadi
bangbaluh
dina nyanghareupan hirup.
Nu
karasa jeung nu nembongan teh asa salawasna jalan nanjak baé Gusti.
Tapi sapanjang
jalan teu weleh rupa-rupa kembang kacipta bareng jeung seungitna. Nuhun
Gusti.
Nu atra na pikiran, na titingalian, ukur kulawu teh meureun ukur
warnaning
hirup jiga méga-méga nu méh hujan
tuluy datang
sarwaning warna katumbiri.
Tidak ada komentar:
Posting Komentar